༈ དཔེ་མཛོད་ཀྱི་ལས་རིམ་སྐོར།
༡ སངས་རྒྱས་ཀྱི་བསྟན་པ་རིན་པོ་ཆེ་ཐེག་པ་ཆེ་ཆུང་སྔགས་དང་བཅས་པའི་གཞུང་བཟང་རྒྱ་ཆེ་ལ་གཏིང་ཟབ་པའི་ཆོས་ཚུལ་རྣམས་མི་ཉམས་རྒྱུན་གནས་ཀྱི་ཐོག ། ཕྱི་ནང་གི་མི་རིགས་སྤྱི་ལ་སྨན་པའི་སློབ་གཉེར་གྱི་ལྟེ་གནས་བཟང་པོ་ཞིག་ཡོང་སླད། བོད་ཀྱི་རིན་བྲལ་རྩ་ཆེའི་གསུང་རབ་ཁག་འཚོལ་སྒྲུབ་དང་། སྐད་རིགས་གཞན་གྱི་ཐོག་ཏུ་ཡོད་པའི་དུས་ཀྱི་དགོས་མཁོ་དང་འཚམ་པའི་དཔེ་དེབ་སྣ་མང་མཁོ་སྒྲུབ་བྱ་རྒྱུ། ༢ ནང་དོན་རིག་པའི་གཞུང་ལ་སྦྱང་བརྩོན་གནང་མཁན་ཕྱི་ནང་གི་མི་རིགས་སྤྱི་ལ་དགོས་མཁོ་ཆེ་ཞིང་དཔེ་རྒྱུན་དཀོན་པའི་འཕགས་བོད་ཀྱི་གཞུང་ལུགས་གང་མང་དང་། ལོ་སྟར་གདན་ས་ཆེན་མོ་ནས་ཕེབས་པའི་དགེ་བཤེས་རྣམ་པ་དང་།