ནང་རྟེན་ངོ་སྤྲོད།

སྙིགས་དུས་ཀྱི་འགྲོ་བ་རྣམས་ལ་བརྩེ་བའི་དབང་གིས་བསམ་བཞིན་དུ་ངུར་སྨྲིག་གར་གྱི་རྣམ་པར་རོལ་པ་རྒྱུད་ཆེན་རྡོ་རྗེ་འཆང་ཀུན་དགའ་དོན་གྲུབ་དཔལ་བཟང་པོ་མཆོག་ནི། བོད་རབ་བྱུང་བདུན་པའི་ས་མོ་ཕག་གི་ལོ་སྟེ་ཕྱི་ལོ་ ༡༤༡༩ ལོར་གཙང་རྟ་ནག་ཏུ་སྐུ་འཁྲུངས། སྣར་ཐང་དུ་རབ་ཏུ་བྱུང་ནས་སློབ་གཉེར་རྒྱ་ཆེར་མཛད། རྗེ་དགེ་འདུན་གྲུབ་པ་ལས་རྣམ་འགྲེལ་གསན། དགེ་འཕེལ་དུ་རྗེ་ཤེས་རབ་སེང་གེ་ལས་གསང་བ་འདུས་པའི་རྩ་རྒྱུད་བཤད་ལུང་དང༌རིམ་ལྔའི་དམར་ཁྲིད་བཅས་གསན། འབྲས་སྤུངས་སུ་མཁན་ཆེན་དཔལ་བློ་ལས་དབུ་ཕར་འདུལ་མངོན་སོགས་གསན། (more…)

ལྷར་བཅས་འགྲོ་བ་ཡོངས་ཀྱི་ལེགས་བྱས་རྒྱ་མཚོའི་སྒོ་འཕར་ཡངས་པོར་འབྱེད་པ། རྒྱལ་བའི་བསྟན་པ་རིན་པོ་ཆེ་དར་རྒྱས་ཡུན་གནས་ཡོང་ཆེད་དུ་བོད་གངས་ཅན་གྱི་ལྗོངས་འདིར་རྒྱལ་པོའི་རྣམ་པར་ཕེབས་པ་སྲོང་བཙན་སྒམ་པོ་འཇིགས་པ་མེད་པའི་ཁྲི་ཆེན་པོ་ལ་ཞབས་ཟུང་པདྨོའི་རྣམ་པར་བཀོད་དེ་རྒྱལ་བའི་སྲས་པོ་འགྲོ་ལ་རྗེས་སུ་ཆགས་པའི་སྙིང་སྟོབས་དང༌། དཔའ་ཞིང་བརྟུལ་ཕོད་པ། གཞན་གྱིས་ཚད་བཟུང་དང་བྲལ་བའི་སྤྲུལ་བ་སྣ་ཚོགས་སྟོན་པའི་སྙན་གྲགས་ཀྱི་རྔ་བོ་ཆེ་འཛམ་གླིང་ཡངས་པའི་སའི་ཁྱོན་ཐམས་ཅད་དུ་ཁྱབ་པས་རྒྱ་དཀར་ནག་དང༌། (more…)

ལྷ་ས་ར་མོ་ཆེའི་གཙུག་ལག་ཁང་དུ་བཞུགས་པའི་མགོན་པོ་སེ་སྡོང་མ་ཞེས་པ་ནི། རྗེ་ཙོང་ཁ་པའི་རྩ་བའི་བླ་མ་འགྲན་གྱི་དོ་མེད་བཞིའི་ནང་ཚན་ལྷོ་བྲག་གྲུབ་ཆེན་ནམ་མཁའ་རྒྱལ་མཚན་མཆོག་ལྷ་ས་ར་མོ་ཆེར་བཞུགས་སྐབས། ཤིང་སེ་བའི་སྡོང་པོ་ཞིག་ཡོད་པ་དེ་ནམ་ཡིན་ཀྱང་མགོན་པོ་གྲི་གུག་དམར་པོར་དངོས་སུ་གྱུར་ནས་ཞལ་གཟིགས་པའི་གཟིགས་སྣང་འཁྲུངས་པར་བརྟེན་ཤིང་སེ་བའི་སྡོང་པོ་དེ་གཟུངས་ཀྱི་ཚུལ་དུ་བྱས་ཏེ་མགོན་པོའི་སྐུ་བཞེངས་པ་དེ་ཉིད་དེང་སང་མགོན་པོ་སེ་སྡོང་མར་གྲགས་པ་འདི་ཡིན། ༼མགོན་པོ་གྲི་གུག་དམར་པོ་དང་། མགོན་པོ་བེང་དམར་བཅས་ཤོད་སྲོལ་གཉིས་མཆིས།༽ (more…)