ཆོས་ཐོག

དེ་ཡང་དཔལ་ལྡན་སྟོད་རྒྱུད་གྲྭ་ཚང་གི་ཆོས་ཐོག་དང་པོ་འཇམ་མགོན་བླ་མ་ཙོང་ཁ་པ་ཆེན་པོ་བློ་བཟང་གྲགས་པའི་དཔལ་གྱི་གདན་ས་དགའ་ལྡན་རྣམ་པར་རྒྱལ་བའི་གླིང་དུ་འཚོགས་ཀྱི་ཡོད། བོད་ཟླ་ ༡༡ ཚེས་ ༢༤ ཉིན་དགུན་ཆོས་ཆེན་མོའི་བཞུགས་གདིང་རྒྱག་ཅིང་། ཚེས་ ༢༥ ཉིན་བདེ་མཆོག་གི་ཆོ་ག་དང་། རྒྱུད་གཞུང་འཚོགས། ཚེས་ཉེར་དྲུག་དང་ཉེར་བདུན་ལ་ཡངས་པ་ཅན་ཚོགས་ཁང་དུ་མགོན་ཆོས་གཉིས་ཀྱི་བསྐང་གསོ་ཆེན་མོ་དང་འབྲེལ་བའི་གཏོར་རྒྱག། ཚེས་ཉེར་བརྒྱད་ལ་རྗེ་ཉིད་ཀྱིས་མཛད་པའི་རྫོགས་རིམ་རིམ་ལྔ་གསལ་སྒྲོན་འཆད་ཉན་དང་། བརྩི་བཞག་འཛིན་གྲྭ་གོང་མ་གཉིས་ལ་རྫོགས་རིམ་རིམ་ལྔ་གདན་རྫོགས་དང་། འོག་མ་གཉིས་ལ་བསྐྱེད་རིམ་དངོས་གྲུབ་རྒྱ་མཚོ་བཅས་དང་། འགྲེལ་པ་ལ་རིམ་ལྔ་གསལ་སྒྲོན་གནང་།

དབུ་རུ་སྟོད་ཀྱི་སའི་ཆ་ཆུམས་མདའ་ཞེས་པ་གསང་བདག་མི་ཡི་རྣམ་རོལ་རྒྱུད་ཆེན་ཀུན་དགའ་དོན་གྲུབ་ཀྱི་སྒྲུབ་གནས་ཁྱད་པར་ཅན་དེར་བོད་ཟླ་ ༣ ཚེས་ ༢༢ ཉིན་དཔྱིད་ཆོས་ཆེན་མོའི་ཆོས་ཐོག་གི་བཞུགས་གདིང་རྒྱག །ཚེས་ ༢༣ ཉིན་ཤིང་སློང་དང་། ཚེས་ ༢༥ ལ་བླ་མ་རྒྱུད་མཆོད། ཚེས་ ༢༧ ཉིན་འགྲེལ་པ་བཞི་སྦྲགས་འཆད་ཉན་གྱི་དབུ་འཛུགས། དེའི་སྐབས་ཀྱི་བརྩི་བཞག་འཛིན་གྲྭ་གོང་མ་གཉིས་ལ་རྗེ་བཙུན་ཀུན་དགའ་དོན་གྲུབ་ཀྱིས་མཛད་པའི་རྒྱུད་ཀྱི་ཊཱིཀྐ་དང་། གསུམ་པ་ལ་རྫོགས་རིམ། བཞི་པ་ལ་བསྐྱེད་རིམ་བཅས་གནང་སྲོལ་ཡོད། བོད་ཟླ་ ༤ ཚེས་ ༧ ནས་ཉིན་གསུམ་ལ་བསྐང་གསོ་ཆེན་མོ་དང་གཏོར་རྒྱག །བོད་ཟླ་བཞི་པ་སྟེ་ས་ག་ཟླ་བའི་ཚེས་ ༡༥ ཉིན་གསང་འདུས་དབང་ཆོག་དང་གསོ་སྦྱོང་ཆེན་མོ་འཚོགས།

བྲག་ཡེར་པའི་མ་ཎི་ལྷ་ཁང་ནི་དུས་རབས་བདུན་པའི་ནང་ཆོས་རྒྱལ་སྲོང་བཙན་སྒམ་པོའི་བཙུན་མོ་མོང་བཟའ་ཁྲི་ལྕམ་གྱི་རྟེན་སྐལ་དུ་བཞེངས་པ་ཞིག་ཡིན། དུས་རབས་བཅོ་བརྒྱད་ནང་དགའ་ལྡན་ཁྲི་པ་ཏཱ་དབོན་དཔལ་ལྡན་གྲགས་པས་རྒྱུད་སྟོད་གྲྭ་ཚང་གི་ཚོགས་ཁང་རྟེན་དང་བརྟེན་པར་བཅས་པ་བཞེངས། གནས་དེར་བོད་ཟླ་ ༧ ཚེས་ ༡༥ ཉིན་དབྱར་ཕྱི་མ་ཞལ་བཞེས་དང་འབྲེལ་བའི་གཞུགས་གདིང་རྒྱག། དབྱར་གནས་ཆོས་ཐོག་རིང་། གསང་བདེ་འཇིགས་གསུམ་གཙོ་བོར་བྱས་པའི་དཔའ་བོ་གཅིག་པ། རྡོ་རྗེ་སེམས་དཔའ། རྟ་མགྲིན་གསང་སྒྲུབ། དམིགས་བརྩེ་མ། མགོན་པོ་ཕྱག་དྲུག། སྒྲོལ་དཀར་བཅས་མཚམས་ཁང་ཁག་དགུ་ཡོད།

དཔལ་ལྡན་སྟོད་རྒྱུད་གྲྭ་ཚང་གི་འདུས་མང་རྣམས་རྗེའི་དངོས་སློབ་བྱམས་ཆེན་ཆོས་རྗེ་ཤཱཀྱ་ཡེ་ཤེས་ཀྱིས་ཕྱག་བཏབ་པའི་ མཁས་གྲུབ་བྱེ་བའི་འབྱུང་གནས་སེ་ར་ཐེག་ཆེན་གླིང་ཞེས་ཡོངས་སུ་གྲགས་པའི་ཆོས་སྡེ་ཆེན་པོ་དེར་ཕེབས། བོད་ཟླ་ ༦ ཚེས་༢༤ ཉིན་སེ་ར་ཆོས་ཐོག་གི་བཞུགས་གདིང་རྒྱག །ཚེས་ ༢༦ ཉིན་གསང་འདུས་བདག་བསྐྱེད། དེའི་ཉིན་ཆོས་འཆད་ཉན་དང་། བརྩི་བཞག །འགྲེལ་པ་བཅས་གནང་སྲོལ་ཡོད། ཚེས་ ༢༧ ནས་བསྐང་གསོ་ཆེན་མོ་དང་། ཚེས་ ༣༠ ལ་

བོད་ཟླ་༩ ཚེས་༥ ཉིན་སྟོན་ཆོས་དང་པོའི་བཞུགས་གདིང་རྒྱག། ཚེས་ ༦ ཉིན་ཤིང་སློང་ཆེན་མོ། ཚེས་ ༧ ནས་ཉིན་ལྔའི་རིང་ཊཱིཀྐའི་བཤད་པ་དང་སྔགས་ཀྱི་དམ་བཅའ་ཆེན་མོ། ཚེས་ ༡༡ ཉིན་འཇིགས་བྱེད་ས་ཆོག་དང་། ཚེས་ ༡༣ ནས་བདག་འཇུག །ཚེས་ ༡༧ དང་༡༨ གཉིས་ལ་རབ་གནས། ཚེས་༡༩ ཉིན་རབ་གནས་ཀྱི་མཇུག་ཆོག་སྦྱིན་སྲེག་ཆེན་མོ་བཅས་འཚོགས་ཀྱི་ཡོད།

བོད་ཟླ་ ༦ ཚེས་ ༣༠ ཉིན་མགོན་ཐང་རིན་པོ་ཆེ་བཀྲམ་ཟིན་རྗེས་ལས་སྣེ་རྣམས་ཀྱིས་བཞུགས་གདིང་བསྒྲོན་ཅིང་། དེ་ནས་གྲྭ་མང་གིས་རིམ་པས་གདིང་བ་རྒྱག  བོད་ཟླ་ ༧ ཚེས་ ༡ ནས་ཚེས་ ༧ བར་ཉིན་ཚོགས་མེད།     ཚེས་ ༥ ཉིན་དགེ་བསྐོས་གསར་རྙིང་འཕོ་ལེན་ཡིན།  ཚེས་ ༦ ཉིན་གྲྭ་ཚང་གཉེར་པ་གསར་རྙིང་འཕོ་ལེན་དང་རྩིས་སྤྲོད་ཡིན།  ཚེས་༨ ཉིན་དཔལ་གསང་བ་འདུས་པའི་བདག་འཇུག་འཚོགས། ཚེས་༩ ཉིན་གཏོར་རྒྱག་དང་ཚེས་ ༡༠ ཉིན་ཆོས་མཚམས་རྒྱས་པ་ཡིན།

བོད་ཟླ་ ༩ ཚེས་ ༢༣ ཉིན་དཔལ་ལྡན་རྒྱུད་སྟོད་གྲྭ་ཚང་གི་འདུས་མང་རྣམས་ཕོ་བྲང་པོ་ཏ་ལར་ཕེབས་ནས་བཞུགས་གདིང་རྒྱག །ཚེས་ ༢༤ ནས་ཉིན་གསུམ་རིང་རྒྱལ་བའི་སྐུ་ཕྱྭའི་ཞབས་རིམ་མགོན་པོའི་གཏོར་ཆེན་བསྒྲལ་ཆོག་བསྡུས་པ་དང་། ཚེས་ ༢༧ ནས་ཉིན་གསུམ་རིང་བསྒྲལ་ཆོག་རྒྱས་པ། ཚེས་ ༢༩ ལ་གཏོར་རྒྱག ཚེས་ ༣༠ ལ་ཆོས་མཚམས་བསྡུས་པ་བཅས་ཡིན།

བོད་ཟླ་ ༡༠ ཚེས་ ༥ ཉིན་ར་ཆེ་གཙུག་ལག་ཁང་དུ་སྟོན་ཆོས་གཉིས་པའི་བཞུགས་གདིང་རྒྱག །ཚེས་ ༨ ནས་ཊཱིཀྐ་དམ་བཅའི་དགེ་བཤེས་ཀྱིས་ཊཱིཀྐའི་བཤད་པ་དང་སྔགས་ཀྱི་དམ་བཅའ་ཆེན་མོ་ཉིན་ལྔར་འཚོགས། ཚེས་ ༡༧ ནས་ཉིན་གསུམ་རིང་བསྟན་སྲིད་ཞབས་རིམ་མགོན་པོའི་གཏོར་ཆེན། ཚེས་༢༢ ནས་ཉིན་གསུམ་རིང་དབྱངས་སྦྱང་། ཚེས་༢༥ ཉིན་འདུས་མང་ནས་གྲུ་འཛིན་གཉིས་པ་ཕོ་བྲང་ཆེན་པོ་པོ་ཏཱ་ལ་རུ་ ༸རྒྱལ་དབང་ཐམས་ཅད་མཁྱེན་པར་མཇལ་ཁ་ཞུ་སྲོལ་ཡོད། ཚེས་ ༣༠ ཉིན་༸རྒྱལ་དབང་སྐུ་