གཞི་རིམ་སློབ་ཕྲུག་རྣམས་ཀྱིས་ཐོག་མར་ཡོན་ཏན་གྱི་གཞི་མ་བོད་ཀྱི་ཡི་གེ་འབྲི་ཀློག་སྦྱང་དགོས་པ་དང་།
དེ་ནས་ཆོས་སྤྱོད་། གསང་བདེ་འཇིགས་གསུམ་གྱི་ཆོས་སྐོར། བསྐང་གསོ་གཏོར་ཆེན་ཆ་ལག་དང་བཅས་པ་བློ་འཛིན་སྐྱོར་སྦྱོང་།
བོད་ཡིག །ཨིན་ཡིག །རི་མོ། མཚན་ཉིད་བཅས་ཀྱི་སློབ་ཚན་གཙོ་བོར་བྱས་པའི་གཞི་རིམ་འཛིན་གྲྭ་བརྒྱད་པའི་བར་ཡོད། གཞི་རིམ་འཛིན་གྲྭ་ལྔའི་རྒྱུགས་སྤྲོད་ཐོན་མཚམས་རྒྱུགས་ཐོན་ལག་འཁྱེར་དང་། འཛིན་གྲྭ་བརྒྱད་པའི་རྒྱུགས་སྤྲོད་ཐོན་མཚམས་རྒྱུགས་ཐོན་ལག་འཁྱེར་འབུལ་བཞིན་ཡོད། གཞན་ཡང་སློབ་ཕྲུག་རྒན་གཞོན་ཚང་མས་རེས་གཟའ་སྤེན་པ་ནམ་ཡིན་ལ་ཁོར་ཡུག་གཙང་མ་བཟོ་བ་དང་འབྲེལ་ཁྲུས་དང་གཙང་སྦྲ་སོགས་ཀྱི་ལས་ལ་འཇུག་བཞིན་ཡོད་པ་བཅས་ཡིན།
